विराटनगर महानगरपालिकाको  मिति २०७४/०५/१८ गते आइतबार हुने भनिएको  नगरसभा भर्खरैको बाढीबाट उत्पन्न भएका समस्याहरुलाई मध्यनजर गर्दै मिति २०७४/०५/१८ गते को सट्टा २०७४/०५/२३ गते दिनको १ः०० बजे बाट हुने निर्णय भएको व्यहोरा अनुरोध छ। सो कार्यक्रममा विराटनगर महानगरपालिका भित्र रहेका सामाजिक संघ संस्था, राजनैतिक दलका प्रतिनिधि, टोल संगठन, पत्रकार, कर्मचारी, वूद्धिजिवि, व्यापारी लगायत नगरवासीहरुको उपस्थितिका लागी पुनः अनुरोध गरीन्छ।

विराटनगर महानगरपालिकामा २०२५ साल देखी निरन्तर रुपमा ऐतिहासिक रुपमा संचालन हुँदै आएको श्रीकृष्णको रथयात्रा महोत्सवको अवसरमा नगर कार्यपालिकाबाट स्विकृत नगर कार्यपालिका नगर (कार्यसम्पादन) नियमावली २०७४ को अनुसूचि १ बमोजिम मिति २०७४/०४/२७ गते बसेको नगर कार्यपालिका बैठकबाट विराटनगर महानगरपालिका क्षेत्रमा श्रीकृष्ण रथयात्राको दिन मिति २०७४/०४/३१ गते मंगलबार स्थानीय सार्वजनिक बिदा दिने निर्णय भएको व्यहोरा अनुरोध छ। विराटनगर महानगरपालिका क्षेत्रभित्रका सरकारी तथा सार्वजनिक नीजि संघ संस्थाहरुमा समेत सार्वजनिक बिदाको सूचना प्रवाह गरी सहयोग गरिदिन अनुरोध छ।

विराटनगर महानगरपालिकाले स्थानीय तह र नागरिकहरुका वीचमा दोहोरो सम्वाद स्थापित गर्न र त्यस्तो सम्वादबाट सेवाग्राहीलाई नगर विकासको प्रकृयामा रचनात्मक प्रतिनिधित्व गराई पारदर्शीताको माध्यमद्वारा महानगरपालिकाको विकास निर्माण कार्य र सेवा प्रवाहलाई गुणस्तरीय र प्रवाभकारीको संस्कार बनाउन गरिने सार्वजनिक सुनुवाई कार्यक्रम संचालन निम्नानुसारको मिति, समय र स्थानमा हुने भएकोले महानगरवासी नागरिकहरुलाई उपस्थीतिको लागि अनुरोध छ।

मिति: २०७४/१२/०४
स्थान: रानी युवा क्लब
समय: विहान ११ बजे।

शीतलहरका कारण केही दिनदेखि बढेको चिसोबाट बच्न घरेलु उपायहरु समेत अवलम्बन गरी विशेष सावधानी र सतर्कता अपनाउनु हुन आम नगरवासीहरुमा बिराटनगर महानगरपालिका हार्दिक अनुरोध गर्दछ।

१२  देखि १७ वर्ष उमेर समूहका सबै बालबालिकाहरुलाई कोभिड-१९ विरुद्धको खोप अभियान संचालन सम्बन्धमा।